रुवाउने मन छैन रुन्छ्यौ भने म के गरुँ

रुवाउने मन छैन रुन्छ्यौ भने म के गरुँ


मैले भने भन्दा बढी सुन्छ्यौ भने म के गरुँ



सपनी यो परिस्कृत गरी दिउँ अपेक्षा हो

सिरानो त्यो आँशुले नै धुन्छ्यौ भने म के गरुँ



गाढा माया भए पनि भौतिकतमा धेरै टाढा

लेखनीको साहाराले छुन्छ्यौ भने म के गरुँ



प्रतिक्षामा बस्नु पनि साह«ै मिठो अधिकार

समय यो बेजोडले गुन्छ्यौ भने म के गरुँ



यौटा सीमा रेखाभित्र आत्मियता सँगालदा

हैसियत भन्दा बढी हुन्छ्यौ भने म के गरुँ



चिनाजान भएपछि देख्नुपर्छ गन्तव्य त

खाली माया जाल मात्र बुन्छ्यौ भने म के गरुँ



कस्को हुन्न चहाना त सधैभरी उदाउनु

ध्रुव तारा स्थान तिमी चुन्छ्यौ भने म के गरुँ